ინგლისურენოვანი პუბლიკაციების სანახავად, გთხოვთ შეცვალოთ საიტის ენა

ევროკავშირისა და საქართველოს მიერ დასახული 20 მიზანი 2020 წლისთვის: რამდენად უფრო ძლიერია ქართული ეკონომიკა დღეს?

თინათინ ახვლედიანი

2016 წელს, ევროკავშირი და აღმოსავლეთ პარტნიორობის (EaP) სახელმწიფოები ამბიციურ დღის წესრიგზე შეთანხმდნენ, რომელიც 2020 წლისთვის პარტნიორი ქვეყნების ეკონომიკების გაძლიერებას ისახავდა მიზნად. აღნიშნულ დღის წესრიგზე დაყრდნობით, საქართველომ შეიმუშავა ინსტიტუციური და მარეგულირებელი ჩარჩო და 2020 წლისთვის დასახული მიზნების მიღწევის მიმართულებით ძირითადად დადებითი შეფასება დაიმსახურა. (more…)

...

ერთი ნაბიჯი წინ – ერთი უკან: სახელმწიფო მედეგობის დილემა კოორდინირებული პოლიტიკის ნაკლებობის ფონზე

შალვა ძებისაშვილი

წინამდებარე დოკუმენტი წარმოადგენს საქართველოს უსაფრთხოების სისტემის კომპლექსური მიმოხილვისა და შეფასების ერთგვარ მცდელობას მედეგობის/მდგრადობის (resilience) კონცეფციის ფარგლებში, რომელიც ბოლო პერიოდში განსაკუთრებით აქტუალური გახდა. მისი აქტუალურობა განპირობებულია არა მხოლოდ ობიექტური გარემოებებით (საგრძნობლად გაუარესებული სამხედრო-პოლიტიკური (უსაფრთხოების) გარემო), არამედ ევროკავშირისა და ჩრდილო-ატლანტიკური ალიანსის მხრიდან ამ პრინციპის უსაფრთხოებისა და თავდაცვისუნარიანობის ქვაკუთხედად აღიარებითაც. (more…)

...

სასამართლო სისტემის რეფორმა საქართველოში და მისი მნიშვნელობა ევროპული ინტეგრაციის იდეისთვის

თინათინ ერქვანია, ბიძინა ლებანიძე

სასამართლო სისტემის და მართლმსაჯულების ეფექტური ფუნქციონირება დღემდე საქართველოს პოლიტიკური სისტემის აქილევსის ქუსლად რჩება. სასამართლო ხელისუფლების ინსტიტუციური ხარისხი ბოლო პერიოდში გატარებული რეფორმების ოთხი ტალღის შედეგად ფორმალურად გაუმჯობესდა და დაიხვეწა, თუმცა რეფორმებმა პრაქტიკული გავლენა სასამართლო სისტემის ეფექტურობასა და დემოკრატიულობის ხარისხზე ვერ იქონია. (more…)

...

(ღია) კარის თამაშები: ნატო-საქართველოს ურთიერთობები და მდგრადი პარტნიორობის გამოწვევები

კორნელი კაკაჩია, ბიძინა ლებანიძე, შალვა ძებისაშვილი

2008 წლის რუსეთ-საქართველოს ომის შემდეგ ნატო-საქართველოს ურთიერთობები გაურკვევლობის ერთგვარ ფაზაში შევიდა. მიუხედავად იმისა, რომ ნატოს ფორმალურად არასდროს დაუხურავს კარი საქართველოსთვის, გაფართოების საკითხის მიმართ ალიანსი უფრო ნაკლებად გამბედავი გახდა, ხოლო რუსეთის ინტერესების მიმართ გაცილებით ფრთხილი აღმოჩნდა. მეორე მხრივ, საქართველოს ნატოში პრაქტიკული ინტეგრაცია გაღრმავდა და გაცილებით მეტი დინამიკა შეიძინა. (more…)

...

სარგებლობენ თუ არა ეთნიკური უმცირესობები საქართველოს ევროპეიზაციასთან დაკავშირებული სიკეთეებით?

ლევან კახიშვილი

ევროპეიზაციამ საქართველოში საზოგადოებას არაერთი, როგორც მატერიალური, ასევე არამატერიალური სარგებელი მოუტანა. თუმცა, იმის გათვალისწინებით, რომ ეთნიკური უმცირესობები არ არიან სათანადოდ ინტეგრირებულნი საქართველოს პოლიტიკურ და სოციალურ ცხოვრებაში, მნიშვნელოვანია შევისწავლოთ, რამდენად შეძლებენ ისინი ამ შესაძლებლობათა გამოყენებას. წინამდებარე ნაშრომში განხილულია ევროპეიზაცია, როგორც პირობითობის პოლიტიკის მეშვეობით ფორმალური წესების გადაცემა და მიღებული შედეგების აღქმა უმცირესობების მიერ. (more…)

...

ეთნიკური უმცირესობების ინტეგრაცია საქართველოში: პოლიტიკური ჩართულობის ბარიერები

სალომე კანდელაკი

საქართველოში ეთნიკური უმცირესობების პოლიტიკური ინტეგრაცია კომპლექსური პროცესია, თუმცა ამ კუთხით საქართველოს, როგორც გარდამავალი დემოკრატიის ქვეყანას, ჯერ კიდევ ბევრი ნაბიჯი აქვს გადასადგმელი, მით უმეტეს იმ ფონზე, როდესაც ქვეყანას ოფიციალურად აქვს აღებული ევროპასთან ინტეგრაციის კურსი. ამ და სხვა გარემოებების მიუხედავად, კვლავ გამოწვევად რჩება ეთნიკურად აზერბაიჯანელი და სომეხი უმცირესობების ეროვნულ დონეზე ხარისხიანი პოლიტიკური მონაწილეობა. (more…)

...

ქართული მედია და მედიაგენური ულტრამემარჯვენეები

თამთა გელაშვილი

ულტრამემარჯვენეთა ბოლოდროინდელი მობილიზაცია მთელ მსოფლოში, მათ შორის, საქართველოში, ბუნებრივია, იპყრობს მედიის ყურადღებას. მართალია, მედიისა და ულტრამემარჯვენეების ურთიერთდამოკიდებულება ნაკლებად გამოკვლეულია, მაგრამ სხვა ქვეყნების გამოცდილება გვიჩვენებს, რომ მედიას შეიძლება გავლენა ჰქონდეს ულტრამემარჯვენეობის მოთხოვნასა და მიწოდებაზე, ანუ როგორც საზოგადოებრივ აზრზე, ისე – ულტრამემარჯვენე აქტორების კონსოლიდაციაზე. (more…)

...

რუსეთ-თურქეთის ძალაუფლებისთვის ბრძოლის თავისებურებები სამხრეთ კავკასიაში: რისკები და შესაძლებლობები საქართველოსთვის

ივანნა მაჩიტიძე

რუსეთ-თურქეთის არაერთგვაროვანი ურთიერთობები უკვე მესამე ათწლეულია მნიშვნელოვან გავლენას ახდენს ცივი ომის შემდგომი პერიოდის სამხრეთ კავკასიის უსაფრთხოებასა და პოლიტიკურ თუ ეკონომიკურ მდგომარეობაზე. თურქეთთან სტრატეგიული პარტნიორობისა და თბილისისადმი რუსეთის ხისტი დამოკიდებულების გათვალისწინებით, საქართველოს მუდმივად მანევრირების რეჟიმში უწევს ყოფნა. (more…)

...

რეგიონული თანამშრომლობა ელექტროენერგეტიკულ სექტორში: საქართველოს გამოწვევები და შესაძლებლობები

მარიამ ჩაჩუა

წინამდებარე პოლიტიკის დოკუმენტში გაანალიზებულია საქართველოს წინაშე არსებული შესაძლებლობები ელექტროენერგეტიკულ სექტორში რეგიონული თანამშრომლობისა და ენერგოუსაფრთხოების გაძლიერებისთვის. ელექტროენერგიაზე მზარდი მოთხოვნა თანდათანობით ზრდის ქვეყნის დამოკიდებულებას იმპორტირებულ ელექტროენერგიაზე; შესაბამისად, საჭიროა ინვესტიციების მოზიდვა ელექტროენერგიის შიდა წარმოების განსავითარებლად. (more…)

...

დიდი და პატარა პარტიები საქართველოში: განსხვავდება თუ არა პარტიების წინასაარჩევნო პროგრამები?

ლევან კახიშვილი

ქართული პოლიტიკური პარტიების მანიფესტები ხშირად მკვლევართა ყურადღების მიღმა რჩება, თუმცა ესაა მნიშვნელოვანი დოკუმენტები, რომლითაც ირკვევა როგორ პოზიციონირებს ესათუის პარტია და რამდენადაა აღნიშნული პოზიციონირება თანხვედრაში ამავე პარტიის იდეოლოგიასთან. პარტიების მანიფესტების ანალიზი და 2016 წლის არჩევნების შედეგები, ერთი მხრივ, ქმნიან პოლიტიკურ ლანდშაფტს 2020 წლის საპარლამენტო არჩევნებისათვის, მეორე მხრივ, კი პარტიებისთვის სასარგებლო რეკომენდაციების შემუშავების შესაძლებლობას გვაძლევენ. (more…)

...