საერთაშორისო კონფერენცია: რელიგიისა და რბილის ძალის საკითხები სამხრეთ კავკასიის რეგიონში.
13-14 მარტს საქართველოს პოლიტიკის ინსტიტუტმა ფრიბურგის უნივერსიტეტთან და ივ. ჯავახიშვილის სახელობის თბილისის სახელმწიფო უნივერსიტეტთან თანამშრომლობით უმასპინძლა საერთაშორისო კონფერენციას თემაზე – რელიგიისა და რბილის ძალის საკითხები სამხრეთ კავკასიის რეგიონში.
ორდღიანი კონფერენციის აკადემიური და პოლიტიკური პანელები შეეხებოდა ისეთ თემებს, როგორებიცაა – რელიგია, პოლიტიკა და რბილი ძალა. კონფერენციის მიზანია, დამსწრე საზოგადოებასთან ერთად, იმსჯელოს იმ როლზე, რომელსაც რელიგია თამაშობს სამხრეთ კავკასიის რეგიონში და მის საზღვრებს გარეთ.
ამას გარდა, კონფერენციაზე მოხდა ახალი პუბლიკაციის პრეზენტაცია. პოლიტიკის დოკუმენტების კრებულში წარმოადგენილია, როგორც დამწყებ, ასევე გამოცდილ უცხოელ მკვლევართა ნაშრომები სამხრეთ კავკასიის რეგიონში რელიგიისა და რბილი ძალის საკითხების ირგვლივ. პუბლიკაციის რედაქტორები არიან ანსგარ ჯოდიკე და პოლიტიკის ინსტიტუტის დირექტორი კორნელი კაკაჩია. ავტორების შესახებ დეტალური ინფორმაცია ხელმისაწვდომია აქ.
კონფერენციის ფინანსური მხარდამჭერია შვეიცარიის ეროვნული სამეცნიერო ფონდი (Swiss National Science Foundation).
ფოტოები ღონისძიებიდან:
