15/11/2019 keta

რეგიონული კოორდინატორები (სამეგრელო, აჭარა, ქვემო ქართლი)

გამოქვეყნდა: 15 ნოემბერი / ბოლო ვადა: 22 ნოემბერი 2019

 “საქართველოს პოლიტიკის ინსტიტუტი” აცხადებს რეგიონული კოორდინატორების ვაკანსიას (სამეგრელო, აჭარა, ქვემო ქართლი)

საქართველოს პოლიტიკის ინსტიტუტი (GIP), USAID-ის ფინანსური მხარდაჭერით და კავკასიის კვლევის რესურს ცენტრთან (CRRC საქართველოსთან) თანამშრომლობით ახორციელებს პროექტს – “ცვლილებებზე ორიენტირებული ახალგაზრდების ხელშეწყობა საქართველოში”. პროექტის ფარგლებში GIP საქართველოს რეგიონებსა და თბილისში გეგმავს, ახალგაზრდების ცნობიერების ამაღლებას, მათთვის ლიდერული უნარ-ჩვევების განვითარებას და წახალისებას, სოციალური და პოლიტიკური ჩართულობის კუთხით. დასახული მიზნის მისაღწევად იგეგმება, საინფორმაციო შეხვედრები იმ რეგიონებში (სამეგრელო-ზუგდიდი, აჭარა-ბათუმი, ქვემო ქართლი-რუსთავი), რომლებიც 2020 წლის გაზაფხულის სემესტრში (25 იანვარი – 28 ივნისი) უმასპინძლებენ მომავალ ლიდერთა სკოლა (ELS).

პროექტის ამ ეტაპზე შეირჩევა თითო რეგიონიდან თითო კოორდინატორი, რომელიც პასუხისმგებელი იქნება საინფორმაციო შეხვედრებისა და მომავალ ლიდერთა სკოლისთვის მოსამზადებელი სხვადასხვა აქტივობების ორგანიზებაზე, ELS-ის გაზაფხულის სემესტრის მანძილზე.

რეგიონალური კოორდინატორის მოვალეობებში შედის:

** რეგიონებში სამიზნე აუდიტორიისათვის ELS-ისა და აპლიკაციის პროცედურების შესახებ ინფორმაციის გაზიარება;

** რეგიონში საინფორმაციო შეხვედრების დაგეგმვა და ამ შეხვედრების შემაჯამებელი ანგარიშების მომზადება;

** პროექტის ოფიცრებთან ერთად, ELS-ისთან დაკავშირებულ ყველა ღონისძიების ლოჯისტიკურ და ადმინისტრაციულ პროცესებში აქტიური მონაწილეობა;

** ELS-ის ყველა ეტაპში მონაწილეობა და აქტიური ჩართულობა;

** პროექტის ოფიცრებთან ეფექტური ონლაინ / პირისპირ კომუნიკაცია;

 

რეგიონალური კოორდინატორი უნდა აკმაყოფილებდეს შემდეგ მოთხოვნებს:

** ჰქონდეს გამოხატული ინტერესი ქვეყანაში მიმდინარე პოლიტიკური პროცესების, საარჩევნო სისტემის, პოლიტიკური პარტიებისა და სამოქალაქო აქტივიზმის მიმართ;

** იყოს აღნიშნული რეგიონების (ზუგდიდში, ბათუმში ან რუსთავში) მაცხოვრებელი ან/და ჰქონდეს აქტიური შეხება ადგილობრივ მაცხოვრებლებთან.

** იყოს საზოგადოებრივად აქტიური;

** ჰქონდეს ადგილობრივი ან საერთაშორისო ორგანიზაციებთან თანამშრომლობის გამოცდილება;

 

დაინტერესებულმა პირებმა, გთხოვთ, გამოაგზავნოთ თქვენი CV და სამოტივაციო წერილი შემდეგ მისამართზე: [email protected]. გთხოვთ წერილის დასახელებაში მიუთითეთ პოზიცია.