საქართველოს პოლიტიკის ინსტიტუტი აგრძელებს ევროპის კოლეჯის სტუდენტების დაჯილდოების საპატიო ტრადიციას. GIP-ის პრიზი მათ აღმოსავლეთ პარტნიორობის (EaP) თემაზე დაწერილი საუკეთესო სამაგისტრო ნაშრომისთვის გადაეცემათ.
წელს, 23 ივნისს გამართულ ევროპის კოლეჯის 2022-2023 სასწავლო წლის დამთავრების ცერემონიაზე GIP-ის პრიზი გადაეცა ევროპის კოლეჯის სტუდენტს, ევა სტრნადოვას აღმოსავლეთ პარტნიორობის (EaP) შესახებ საუკეთესო სამაგისტრო ნაშრომისთვის: არამსგავსი პარტნიორები: აშშ-ისა და ევროკავშირის ეკონომიკური ბერკეტების შეზღუდვები, შესაბამის ქვეყნებში დემოკრატიის დეფიციტის შესამცირებლად.
2020 წელს „საქართველოს პოლიტიკის ინსტიტუტსა“ და „ევროპის კოლეჯს“ შორის გაფორმებული მემორანდუმის საფუძველზე, ევროპის კოლეჯის სტუდენტებისათვის სპეციალური პრიზი დაწესდა, აღმოსავლეთ პარტნიორობის თემაზე საუკეთესო სამაგისტრო ნაშრომისთვის.
სამაგისტრო ნაშრომის პრიზი მიზნად ისახავს აღმოსავლეთ პარტნიორობის პროგრამის თემებზე აკადემიური კვლევის პოპულარიზაციას, აგრეთვე ახალგაზრდა მეცნიერთა იდეების წახალისებასა და კვლევას. მაგისტრის ნაშრომის პრიზზე განაცხადის შეტანა შეუძლიათ როგორც ბრიუგეს, ისე ნატოლინის კამპუსის სტუდენტებს, რომლებიც მიიღებენ ნიშანს სტატუსით „ძალიან კარგი“ (16/20) ან უფრო მაღალს. მათი კვლევა უნდა მოიცავდეს აღმოსავლეთ პარტნიორობის რეგიონს – აღმოსავლეთ პარტნიორობის ორი ქვეყნის შედარებით შესწავლას ან აღმოსავლეთ პარტნიორობის ფორმატის პერსპექტივის განხილვას. წელს პრიზისთვის 14 კანდიდატი იბრძოდა.
