საქართველოს ბევრი მხარდამჭერი ჰყავს საზღვარგარეთ. ჩვენ მათ შორის ვართ, როგორც საქართველოს ისტორიის, კულტურისა და პოლიტიკის მკვლევრები და სტუდენტები, რომლებიც მსოფლიოს სხვადასხვა უნივერსიტეტსა და კოლეჯში მუშაობენ. ჩვენ საქართველოს მეგობრები და მოკავშირეები ვართ და თვალს ვადევნებთ საქართველოს არათანაბარ, მაგრამ თანმიმდევრულ პროგრესს დემოკრატიის მიმართულებით 1991 წლის აპრილიდან, დამოუკიდებლობის მოპოვების შემდეგ. ჩვენ ყველა მივესალმეთ მნიშვნელოვან წინსვლას ევროპულ კავშირში გაწევრიანების მიმართულებით გასული წლის ნოემბერში, როდესაც ევროპის კომისიამ საქართველოს კანდიდატის სტატუსი მიანიჭა. საქართველოს ევროპულ კავშირში შესვლა ასახავს ქვეყნის მოსახლეობის უმრავლესობის სურვილს. ეს არის ნაბიჯი სამოქალაქო და პოლიტიკური უფლებების კონსოლიდაციისკენ და საქართველოს უფრო დიდ უსაფრთხოებასა და ეკონომიკურ პროგრესს ჰპირდება.
შეშფოთებას იწვევს 2024 წელს მიღებული კანონები, როგორიცაა „უცხოური გავლენის გამჭვირვალობის შესახებ” კანონი და „ოჯახის ღირებულებებისა და არასრულწლოვანთა დაცვის შესახებ” კანონი, რომლებიც ზღუდავენ საქართველოს მოქალაქეთა სამოქალაქო თავისუფლებებს და აფერხებენ მათი უფლებების თავისუფლად განხორციელებას. ევროპის საბჭოს საპარლამენტო ასამბლეამ (PACE) 500 საერთაშორისო დამკვირვებელი გაგზავნა საქართველოს თითქმის 2,000 საარჩევნო უბანზე 26 ოქტომბრის საპარლამენტო არჩევნების დროს. 29 ნოემბერს მან გამოაქვეყნა ანგარიში, რომელშიც გამოხატა სერიოზული შეშფოთება იმის თაობაზე, თუ რამდენად ასახავს არჩევნები „ამომრჩეველთა ნამდვილ ნებას”. პრემიერ-მინისტრ ირაკლი კობახიძის მიერ 2024 წლის 28 ნოემბერს გაკეთებულმა განცხადებამ საქართველოს ევროკავშირის კანდიდატობის მოლაპარაკებების შეჩერების შესახებ კიდევ უფრო გააღრმავა უფსკრული მთავრობასა და მის მოქალაქეებს შორის.
საქართველოს მოქალაქეთა გაცნობიერებულ მასობრივ წინააღმდეგობას მთავრობის პოლიტიკის მიმართ ქვეყნის ქალაქებსა და დაბებში მოჰყვა ძალადობრივი დარბევა, მათ შორის ჟურნალისტების სისტემური ცემა, 4 დეკემბერს გავლენიანი საქართველოს ოპოზიციის ლიდერებისა და სამოქალაქო საზოგადოების აქტივისტების დაპატიმრება. ეს წარმოადგენს მთავრობის მიერ დემოკრატიის უარყოფას. ეს საქართველოს ისტორიის ყველაზე შავი დღეა.
იმისათვის, რომ თავიდან იქნეს აცილებული შესაძლო ადამიანური ტრაგედია, ჩვენ მოვუწოდებთ მთავრობას, დაუყოვნებლივ გაიყვანოს სპეციალური უსაფრთხოების ძალები, რომლებმაც სისტემატურად დაარღვიეს საქართველოს მოქალაქეთა სამოქალაქო უფლებები. საქართველოს პოლიტიკური პატიმრები – რაც ისინი ახლა არიან – დაუყოვნებლივ უნდა იქნან გათავისუფლებული და კანონის უზენაესობა აღდგენილი. ჩვენ მოვუწოდებთ დიალოგისკენ მთავრობის წარმომადგენლებსა და ოპოზიციის წარმომადგენლებს შორის, აგრეთვე საქართველოს ქუჩებზე მშვიდობისა და უსაფრთხოების აღდგენისკენ. ეს არის პირველი ნაბიჯი საქართველოს ევროპული გზის აღსადგენად და იმ მთავრობის შესაქმნელად, რომელიც ერთდროულად კანონიერი და დემოკრატიული იქნება. ეს კი „უცხოური გავლენის გამჭვირვალობის შესახებ” კანონისა და „ოჯახის ღირებულებებისა და არასრულწლოვანთა დაცვის შესახებ” კანონების გაუქმებას საჭიროებს, აგრეთვე, მოქალაქეთა პროტესტისა და გაერთიანების უფლების დარღვევის შეწყვეტას.
ჩვენ სოლიდარობას გამოვხატავთ თქვენი – საქართველოს მოქალაქებიდადმი, რომლებიც დიდი რისკის ფასად იცავთ თქვენს უფლებას, დაიცვათ საქართველოს დემოკრატია და მოსახლეობის დიდი ხნის სწრაფვა გახდეს ევროპული ერების საზოგადოების ნაწილი.
მიმართვას ხელს აწერენ:
1. პროფესორი სტიფან ჯოუნსი, საქართველოს კვლევების პროგრამის დამფუძნებელი, დევისის ცენტრი, ჰარვარდის უნივერსიტეტი. თანამედროვე ისტორიის პროფესორი, ილიას სახელმწიფო უნივერსიტეტი
2. პროფესორი ფლორიან მიულფრიდი, ილიას სახელმწიფო უნივერსიტეტი, საქართველო
3. პროფესორი ჯონ კოლარუსო, მაკმასტერის უნივერსიტეტი, კანადა
4. მაიკლ ბერნჰარდი, რეიმონდ და მირიამ ერლიხის სახელობის პროფესორი, ფლორიდის უნივერსიტეტი, შეერთებული შტატები
5. ქ-ნი კლერ კაიზერი, მოწვეული პროფესორი, დჯორჯტაუნის უნივერსიტეტი, შეერთებული შტატები
6. სებასტიან ელიშერი, პოლიტიკური მეცნიერების ასოცირებული პროფესორი, ფლორიდის უნივერსიტეტი, შეერთებული შტატები
7. ქ-ნი ანა ოჰანიანი, რიჩარდ ბ. ფინეგანის საერთაშორისო ურთიერთობების გამორჩეული პროფესორი, სთოუნჰილის კოლეჯი, მასაჩუსეთსი, აშშ
8. ქ-ნი ჯო ლეიქოქი, მიგრაციის ისტორიის უფროსი ლექტორი, მანჩესტერის უნივერსიტეტი, გაერთიანებული სამეფო
9. პიტერ სკინერი, ისტორიკოსი
10. ჯული ა. ჯორჯი, პოლიტიკური მეცნიერების ასოცირებული პროფესორი, ნიუ-იორკის სიტი უნივერსიტეტი
11. ვიკენ ჩეთერიანი, ლექტორი, ჟენევის უნივერსიტეტი
12. ქ-ნი ლეილა ალიევა, ასოცირებული მკვლევარი, REES, OSGA, ოქსფორდის უნივერსიტეტი
13. პროფესორი ერიკ სკოტი, კანზასის უნივერსიტეტი, შეერთებული შტატები
14. მარტინ დემანტ ფრედერიქსენი, ანთროპოლოგიის ასოცირებული პროფესორი, კულტურისა და საზოგადოების დეპარტამენტი, ორჰუსის უნივერსიტეტი, დანია
15. მაიკლ დობინსი, პოლიტიკის ანალიზის მოწვეული პროფესორი, კონსტანცის უნივერსიტეტი
16. გორქემ აიდემირ-ქუნდაქჩი, FWO პოსტდოქტორანტი ანთროპოლოგიაში, KU ლუვენი, ბელგია
17. პოლ მანინგი, ანთროპოლოგიის პროფესორი, ტრენტის უნივერსიტეტი, კანადა
18. დევიდ ს. სიროკი, საერთაშორისო ურთიერთობების პროფესორი, ფლორიდის უნივერსიტეტი, აშშ
19. ჰუბერტუს ფ. იანი, რუსეთის და კავკასიის ისტორიის ემერიტუს პროფესორი, კემბრიჯის უნივერსიტეტი; კლარის კოლეჯის წევრი, კემბრიჯი; საქართველოში აკადემიური კვლევის მეგობრების (FaRiG) თავმჯდომარე
20. სტიფან ბ. რიგი, ისტორიის ასოცირებული პროფესორი, ტეხასის A&M უნივერსიტეტი, აშშ
21. ანი მენელეი, ანთროპოლოგიის პროფესორი, ტრენტის უნივერსიტეტი, კანადა
22. კატრინ ბენდტსენ გოტფრედსენი, კავკასიის კვლევების უფროსი ლექტორი, მალმოს უნივერსიტეტი, შვედეთი
23. პროფესორი სერ კრისტოფერ კლარკი, ისტორიის სამეფო პროფესორი, კემბრიჯის უნივერსიტეტი, გაერთიანებული სამეფო
24. ჰარშა რამი, სლავური ენებისა და ლიტერატურის ასოცირებული პროფესორი, კალიფორნიის უნივერსიტეტი, ბერკლი, აშშ
25. მიკელ ვენჰოვენსი, პოსტდოქტორანტი მკვლევარი, ანთროპოლოგიის დეპარტამენტი, ორჰუსის უნივერსიტეტი, დანია
26. ქ-ნი ლაურენს ბროერსი, ასოცირებული წევრი, რუსეთისა და ევრაზიის პროგრამა, ჩეტჰემ ჰაუსი
27. ალთაი გოიუშოვი, მოწვეული მკვლევარი, სასწავლო Sciences Po
28. ქ-ნი სოფი ბედფორდი, IRES რუსეთისა და ევრაზიის კვლევების ინსტიტუტი, უფსალის უნივერსიტეტი
29. ბრუს გრანტი, ანთროპოლოგიის პროფესორი, ნიუ-იორკის უნივერსიტეტი
30. ანამარია ორლა-ბუქოვსკა, სოციალური ანთროპოლოგიისა და ჰოლოკოსტის ლექტორი, იაგელონიის უნივერსიტეტი, კრაკოვი, პოლონეთი
31. პროფესორი სილვია სერანო, ვიცე-რექტორი, სორბონის უნივერსიტეტი აბუ დაბი
32. პროფესორი სუზან ჰ. ალენი, ჰენრი ჰარტ რაიკის კონფლიქტის ანალიზისა და რეზოლუციის პროფესორი, ჯორჯ მეიზონის უნივერსიტეტი, შეერთებული შტატები
