„საქართველოს პოლიტიკის ინსტიტუტის“ გუნდმა ახალგაზრდებს პროგრამის შესახებ პრეზენტაცია წარუდგინა და ELS-ის თანმდევი ქვე-პროექტებიც გააცნო. პრეზენტაციის შემდეგ პროექტის კოორდინატორებმა დამსწრეთა შეკითხვებს უპასუხეს ტრენინების შინაარსისა და ფორმატის შესახებ. ღონისძიების ბოლოს მომავალ ლიდერთა სკოლის კურსდამთავრებულებმა შეხვედრის მონაწილეებს თავიანთი გამოცდილება გაუზიარეს.
საქართველოს პოლიტიკის ინსტიტუტი (GIP) იწვევს აქტივისტებს, ახალგაზრდა პოლიტიკოსებს, ჟურნალისტებს, სტუდენტებს, სამოქალაქო საზოგადოების წარმომადგენლებსა და სოციალურ-პოლიტიკური თემატიკით დაინტერესებულ ახალგაზრდებს მომავალ ლიდერთა სკოლაში (Emerging Leaders School – ELS) მონაწილეობის მისაღებად! ტრენინგები ჩატარდება ჰიბრიდული რეჟიმით – ვირტუალ და ფიზიკურ სივრცეში – თბილისში. ELS-ის მიზანია ახალგაზრდების სოციალურ-პოლიტიკურ ცხოვრებაში ჩართულობის წახალისება მათთვის ცნობიერების ამაღლებისა და ლიდერული უნარ-ჩვევების განვითარების გზით.
ELS-ის შესახებ დამატებითი ინფორმაციისთვის ეწვიეთ > www.els-gip.ge
მომავალ ლიდერთა სკოლა არის ინიციატივა, რომელიც GIP-ის მიმდინარე პროექტის „ცვლილებებზე ორიენტირებული ახალგაზრდების ხელშეწყობა საქართველოში“ ფარგლებში ხორციელდება USAID/Georgia-ს ფინანსური მხარდაჭერითა და კავკასიის კვლევითი რესურსების ცენტრთან (CRRC Georgia) თანამშრომლობით.
პროექტი მიზნად ისახავს ახალგაზრდების ცნობიერების ამაღლებას პოლიტიკური პროცესებისა და დემოკრატიზაციის შესახებ, მათი ლიდერული უნარ-ჩვევების განვითარებას, პოლიტიკური და სოციალური ჩართულობის წახალისებას და მათ პროფესიულ ზრდას.
2021-2022 წლისთვის მომავალ ლიდერთა სკოლაში მონაწილეობის მიღება შეუძლიათ 18-35 წლის ასაკის აქტიურ ახალგაზრდებს, რომლებსაც შეეძლებათ ELS-ის სესიებზე 2021 წლის დეკემბრიდან 2022 წლის ივნისის ჩათვლით დასწრება, როგორც ვირტუალურ, ასევე ფიზიკურ სივრცეში (თბილისში).
თუ გსურს გახდე ELS-ელი, შეავსე სააპლიკაციო ფორმა https://docs.google.com/…/1FAIpQLScTUyjzitUHiv…/viewform
