საქართველოს ევროპული პერსპექტივა: ინტერვიუ ექსპერტთან – პროფესორ ტანია ბიორზელთან

ინტერვიუს უძღვება შოთა კაკაბაძე, პოლიტიკის უმცროსი ანალიტიკოსი, GIP

“ვფიქრობ, ქართულმა საზოგადოებამ, ვგულისხმობ ქართულმა საზოგადოებამ და არა პოლიტიკოსებმა, უნდა მიიღოს გადაწყვეტილება. შეუძლებელია ყველა სასურველი შედეგის ერთად მიღება. თუ გსურს, იყო ევროპის და ევროკავშირის ნაწილი, უნდა მიიღო ევროპული ფასეულობებიც”

პროფესორი, დოქტორი ტანია ა. ბიორზელი პოლიტიკურ მეცნიერებათა პროფესორი და ბერლინის თავისუფალი უნივერსიტეტის, ოტო სუჰრის პოლიტიკურ მეცნიერებათა ინსტიტუტის ევროპული ინტეგრაციის მიმართულების ხელმძღვანელია.   დოქტორი ბიორზელი ხელმძღვანელობს: Cluster of Excellence “Contestations of the Liberal Script”; Jean Monnet Center of Excellence “Europe and its Citizens”. 

მისი კვლევის ძირითადი მიმართულებაა ევროპეიზაციით გამოწვეული მართვასა და ინსტიტუციურ ცვლილებებთან დაკავშირებული საკითხები, ასევე, ევროპული ფასეულობებისა და პოლიტიკის გავრცელება ევროკავშირს მიღმა. მისი ბოლოდროინდელი პუბლიკაციებია: The Oxford Handbook of Comparative Regionalism (Oxford University Press 2016, თომა რისეს თანადერაქტორობით), The Oxford Handbook of Governance and Areas of Limited Statehood (Oxford University Press 2018, თომას რისესა და ანკე დრაუდეს თანარედაქტორობით), Governance under Anarchy. Effective and Legitimate in Areas of Limited Statehood, თომას რისესთან ერთად (Cambridge University Press, პუბლიკაცია მზადების პროცესშია) და The Politics of Non-Compliance in the European Union (Cornell University Press).

დოქტორმა ბიორზელმა პატივი დაგვდო და შემოგვიერთდა ონლაინ დისკუსიაში. პროფესორმა გვიპასუხა კითხვებზე საქართველოს ევროპული პერსპექტივის, ქვეყნის ევროპეიზაციის გზაზე მთავარი დაბრკოლებების, მიმდინარე მოვლენებისა და მათი გავლენის შესახებ.